ഭിന്നശേഷിക്കാരായ 103 വിദ്യാർത്ഥികൾക്ക് സഹൃദയ സ്മാർട്ട് ഫോണുകൾ വിതരണം ചെയ്തു.
എറണാകുളം-അങ്കമാലി അതിരൂപതാ സാമൂഹ്യപ്രവർത്തന വിഭാഗമായ സഹൃദയ, വി ഗാർഡ് ഫൗണ്ടേഷൻറെ സഹകരണത്തോടെ മാനസിക,ബൗദ്ധിക വെല്ലുവിളി നേരിടുന്ന കുട്ടികളുടെ പുനരധിവാസത്തിനായി നടപ്പാക്കിവരുന്ന നവദർശൻ പദ്ധതിയുടെ ഭാഗമായി അഞ്ച് ജില്ലകളിലെ 10 സ്‌പെഷ്യൽ സ്‌കൂളുകളിൽനിന്നുള്ള 103 കുട്ടികൾക്ക് ഓൺലൈൻ പഠന സൗകര്യം ഒരുക്കുന്നതിനായി സ്മാർട്ട് ഫോണുകൾ വിതരണം ചെയ്തു. എറണാകുളം കളക്ട്രേറ്റിൽ നടന്ന ചടങ്ങിൽ സ്മാർട്ട് ഫോണുകളുടെ വിതരണ ഉദ്‌ഘാടനം ജില്ലാ കളക്ടർ എസ് . സുഹാസ് ഐ.എ .എസ് നിർവഹിച്ചു. തൃക്കാക്കര സ്നേഹനിലയം സ്‌പെഷ്യൽ സ്‌കൂൾ പ്രിൻസിപ്പൽ സിസ്റ്റർ ഡിക്‌സി സ്മാർട്ട് ഫോൺ ഏറ്റുവാങ്ങി. സഹൃദയ ഡയറക്ടർ ഫാ. ജോസഫ് കൊളുത്തുവെള്ളിൽ, വി ഗാർഡ് അഡ്മിനിസ്ട്രേഷൻ വൈസ് പ്രസിഡണ്ട് പി.ടി. ജോർജ്ജ്, വി ഗാർഡ് അഡ്മിനിസ്ട്രേറ്റർ എം. ജോസഫ്, സഹൃദയ അസിസ്റ്റന്റ് ഡയറക്ടർ ഫാ. ജിനോ ഭരണികുളങ്ങര, സ്നേഹനിലയം സ്‌പെഷ്യൽ സ്‌കൂൾ അദ്ധ്യാപിക നീന ജോസഫ് എന്നിവർ സന്നിഹിതരായിരുന്നു.
ഫോട്ടോ: വി ഗാർഡിന്റെ സഹകരണത്തോടെ സഹൃദയ ഭിന്നശേഷിയുള്ള കുട്ടികളുടെ ഓൺലൈൻ പഠനത്തിനായി നൽകുന്ന സ്മാർട്ട് ഫോണുകളുടെ വിതരണോദ്‌ഘാടനം ജില്ലാ കളക്ടർ എസ് . സുഹാസ് ഐ.എ .എസ് നിർവഹിക്കുന്നു. നീന ജോസഫ്, ഫാ. ജോസഫ് കൊളുത്തുവെള്ളിൽ, സിസ്റ്റർ ഡിക്‌സി, പി.ടി. ജോർജ്ജ്, എം. ജോസഫ്, ഫാ. ജിനോ ഭരണികുളങ്ങര എന്നിവർ സമീപം.