പി.ടി തോമസ് എന്ന എൻ്റെയും നിങ്ങളുടെയും നന്മ മരം ഇപ്പോഴും പെയ്തുകൊണ്ടിരിക്കുകയാണ്.. |ഉമ തോമസ്MLA

പി.ടി ഏറ്റെടുത്തിരുന്ന പദ്ധതികളിൽ ഒന്നുകൂടി ഫല പ്രാപ്തിയിലെത്തിച്ച് ഉദ്ഘാടനം നിർവഹിക്കാൻ സാധിച്ചു.മോഡൽ എൻജിനീയറിംഗ് കോളേജിന് ബസ് വാങ്ങിക്കുവാൻ പി.ടി 27 ലക്ഷം രൂപ അനുവദിച്ചിരുന്നു.

സാധാരണ ഗവൺമെന്റ് സ്കൂളുകളിൽ എം.എൽ.എ ഫണ്ടിൽ ബസ്സ് അനുവദിക്കുന്നത് പോലെ അല്ലായിരുന്നു ഐ.എച്ച്.ആർ.ഡിക്ക് കീഴിലുള്ള മോഡൽ എൻജിനീയറിങ് കോളേജിന് ബസ്സ് അനുവദിച്ച് ഇറക്കാനുള്ള നടപടിക്രമങ്ങൾ.

നിരവധി സാങ്കേതിക പ്രശ്നങ്ങൾ ഉണ്ടായപ്പോൾ ഉദ്യോഗസ്ഥ-മന്ത്രി തല ചർച്ചകൾ പി.ടി ഇടപെട്ട് നടത്തിച്ചിരുന്നു. അതിന്റെയൊക്കെ പൂർത്തീകരണമായി ഇന്ന് ബസ്സ് ഫ്ലാഗ് ഓഫ് ചെയ്തു.

ചുവപ്പുനാടകളിൽ കുരുങ്ങി തടസ്സപ്പെട്ടിരിക്കുന്ന നിരവധി പദ്ധതികൾ ഇനിയുമുണ്ട്.പി.ടി ഏറെ സ്വപ്നം കണ്ടിരുന്ന ഡയാലിസിസ് യൂണിറ്റും, കുടിവെള്ളക്ഷാമം പരിഹരിക്കാനുള്ള പദ്ധതികളും,തമ്മനം- പുല്ലേപ്പടി റോഡ് വികസനം, ഇടപ്പള്ളി മാർക്കറ്റ് തുടങ്ങിയവ പൂർത്തീകരിക്കുവാൻ സാധിക്കുമെന്ന് എനിക്ക് ഉറപ്പുണ്ട്.

ഉമ തോമസ്