ആരൊക്കെ മദ്യത്തെ പൂര്‍ണ്ണമായും അകറ്റണം?|ഡോ :സി. ജെ. ജോൺ

ആരൊക്കെ മദ്യത്തെ പൂര്‍ണ്ണമായും അകറ്റണം?

1.കുടുംബത്തിൽ അടുത്ത ബന്ധമുള്ളവരില്‍ അമിത മദ്യാസക്തിരോഗമുള്ളവരും ലഹരി ആസക്തിയുള്ളവരും ഉണ്ടെങ്കിൽ സേ നോ ടു മദ്യം.

2. ടെന്‍ഷന്‍ കുറയാനും, വിഷാദം പോകാനും മദ്യം കഴിക്കുന്ന പ്രവണത ഉള്ളവർ.

3.മദ്യം കഴിക്കാന്‍ നേരവും കാലവും നോക്കാത്തവരും, മദ്യം കിട്ടുമ്പോൾ അളവില്‍ നിയന്ത്രണം പാലിക്കാത്തവരും.

4.മദ്യം ഉള്ളില്‍ ചെന്നാൽ പെരുമാറ്റത്തിന്റെ പിടി പോയി അക്രമമോ, കരച്ചിലോ പോലെയുള്ള താളപ്പിഴകള്‍ കാട്ടുന്നവര്‍.

5. മദ്യാസക്തിക്ക് ചികിത്സ എടുത്ത് മദ്യ വിമുക്തി നേടിയവര്‍. 6.മദ്യം മൂലമുള്ള എന്തെങ്കിലും രോഗങ്ങള്‍ വന്നവർ. ഇവരൊക്കെ ബിയര്‍ ഉള്‍പ്പെടെയുള്ള ഏത് തരം മദ്യവുമായി അടുത്താലും അപകട സാധ്യത കൂടുതലാണ്.അത് കൊണ്ട് സോഷ്യല്‍ മദ്യപാനം പോലും വേണ്ട.

സൂക്ഷിച്ചാല്‍ സ്വന്തം തടി രക്ഷിക്കാം. കുടുംബത്തിനും കൊള്ളാം. ഇങ്ങനെയുള്ളവരെ രക്ഷിക്കാനായി ഈ വിവരങ്ങള്‍ ഷെയര്‍ ചെയ്യാം.

(ഡോ :സി. ജെ. ജോൺ)