ലഹരിക്കെതിരെ ഗോൾ ചലഞ്ചുമായി കുടുംബശ്രീ, ജില്ലയിൽ 15 ലക്ഷം ഗോളടിക്കും
ലഹരിക്കെതിരെ കുടുംബശ്രീ ഒരുക്കുന്ന ഗോൾ ചലഞ്ചിന്റെ കിക്കോഫ് തൃക്കാക്കര നഗരസഭ സ്റ്റേഡിയത്തിൽ നിർവഹിച്ചു.
ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് മുഖ്യാതിഥിയായി. ലഹരി വിരുദ്ധ പ്രവർത്തനങ്ങളുടെ ഭാഗമായാണ് ഗോൾ ചലഞ്ച് സംഘടിപ്പിക്കുന്നത്. കുടുംബശ്രീ ജില്ല മിഷന്റെ നേതൃത്വത്തിൽ 15 ലക്ഷം ഗോളുകളടിക്കാനാണ് ലക്ഷ്യമിടുന്നത്.
നവംബർ 19, 20 തീയതികളിലായി നടക്കുന്ന പരിപാടിയിൽ അയൽക്കൂട്ടം, ബാലസഭ, ജിം, ഓക്സിലറി ഗ്രൂപ്പ്, തുടങ്ങി കുടുംബശ്രീ സംഘടനാ സംവിധാനത്തിലെ മുഴുവൻ പേരെയും പൊതുജനങ്ങളെയും യുവജന സംഘടനകളെയും ക്ലബ്ബുകളെയും പങ്കെടുപ്പിക്കാനാണ് ലക്ഷ്യമിടുന്നത്.
നഗരസഭ അധ്യക്ഷ അജിത തങ്കപ്പൻ, വൈസ് ചെയർമാൻ എ.എ ഇബ്രാഹീംകുട്ടി, സ്ഥിരം സമിതി അധ്യക്ഷരായ നൗഷാദ് പല്ലച്ചി, സുനീറ ഫിറോസ്, പൊലീസ് അസി. കമ്മീഷണർ പി.വി ബേബി, എക്സൈസ് ഡെപ്യൂട്ടി കമ്മീഷണർ ആർ. ജയചന്ദ്രൻ, നഗരസഭ കൗൺസിലർമാരായ ഉണ്ണി കാക്കനാട്, സി.സി വിജു, ഹസീന ഉമ്മർ, ഷിമി മുരളി, തൃക്കാക്കര എസ്.എച്ച്.ഓ ആർ. ഷാബു, കുടുംബശ്രീ ജില്ല മിഷൻ കോർഡിനേറ്റർ എം.ബി പ്രീതി, പ്രോഗ്രാം മാനേജർ ഷൈൻ ടി. മണി, സി.ഡി.എസ് ചെയർപേഴ്സൺമാരായ ഷക്കീല ബാബു, ജാൻസി ജോർജ് തുടങ്ങിയവർ സംബന്ധിച്ചു. ജനപ്രതിനിധികളും കുടുംബശ്രീ പ്രവർത്തകരും ഗോളടിച്ചു.