പി.ടി തോമസിന്റെ ചിതാഭസ്മം വഹിച്ചുകൊണ്ടുള്ള സ്മൃതിയാത്ര നാളെ (ജനുവരി 3) എറണാകുളത്തെ അദ്ദേഹത്തിന്റെ വസതിയില്‍ നിന്നും ഇടുക്കിയിലെ ഉപ്പുതോട്ടിലേക്ക് പ്രയാണം ആരംഭിക്കും.
പ്രിയരേ,അകാലത്തില്‍ നമ്മെ വിട്ടുപിരിഞ്ഞ പി.ടി തോമസിന്റെ ചിതാഭസ്മം വഹിച്ചുകൊണ്ടുള്ള സ്മൃതിയാത്ര നാളെ (ജനുവരി 3) എറണാകുളത്തെ അദ്ദേഹത്തിന്റെ വസതിയില്‍ നിന്നും ഇടുക്കിയിലെ ഉപ്പുതോട്ടിലേക്ക് പ്രയാണം ആരംഭിക്കും.
തന്റെ ചിതാഭസ്മം ഉപ്പുതോട്ടിലുള്ള അമ്മയുടെ കല്ലറയ്ക്കുള്ളില്‍ നിക്ഷേപിക്കണമെന്നും അമ്മയോടൊപ്പം ഉറങ്ങണമെന്നുമുള്ള ആഗ്രഹം പി.ടി നേരത്തെ അറിയിച്ചിരുന്നു. ആ അന്ത്യാഭിലാഷം യാഥാര്‍ത്ഥമാക്കുന്നതിന്റെ ഭാഗമായാണ് ചിതാഭസ്മം ഉപ്പുതോട്ടിലെത്തിക്കുന്നത്. നാളെ രാവിലെ എന്റെ സാന്നിധ്യത്തില്‍ കെ.പി.സി.സി വൈസ് പ്രസിഡന്റ് വി.പി. സജീന്ദ്രന്‍ പി.ടിയുടെ കുടുംബാംഗങ്ങളില്‍ നിന്ന് ചിതാഭസ്മം ഏറ്റുവാങ്ങും. തുറന്ന വാഹനത്തില്‍ കൊണ്ടുപോകുന്ന ചിതാഭസ്മ സ്മൃതിയാത്രയ്ക്ക് വിവിധ സ്ഥലങ്ങളില്‍ ആദരവ് അര്‍പ്പിക്കാനുള്ള ക്രമീകരണങ്ങളും ഒരുക്കിയിട്ടുണ്ട്.ഇടുക്കി ജില്ലാ അതിര്‍ത്തിയായ നേര്യമംഗലത്ത് നിന്ന് സ്മൃതിയാത്രയെ ഇടുക്കി ഡി.സി.സിയുടെ നേതൃത്വത്തില്‍ അനുഗമിക്കും. വൈകിട്ട് നാല് മണിക്ക് ഉപ്പുതോട് പള്ളിയില്‍ സ്മൃതിയാത്ര സമാപിക്കും. കെ.പി.സി സി അധ്യക്ഷന്‍ കെ. സുധാകരന്‍, ഉമ്മന്‍ ചാണ്ടി, രമേശ് ചെന്നിത്തല, ഐവാന്‍ ഡിസൂസ, ഡീന്‍ കുര്യാക്കോസ് എം.പി തുടങ്ങിയവര്‍ പങ്കെടുക്കും.
കളമശേരി പ്രീമിയര്‍ ജംഗ്ഷന്‍: 7.30ആലുവ റയില്‍വേ സ്റ്റേഷന്‍: 8.00തടിയിട്ടപറമ്പ് ജംഗ്ഷന്‍: 8.30പെരുമ്പാവൂര്‍ യാത്രിനിവാസ്: 9.00കോതമംഗലം ഗാന്ധിസ്‌ക്വയര്‍: 10.00നേര്യമംഗലം: 11.00ഇരുമ്പ് പാലം: 11.45അടിമാലി: 12.15കല്ലാര്‍കുട്ടി: 1.30പാറത്തോട്: 2.00മുരിക്കാശേരി: 3.00ഉപ്പുതോട്: 4.00
V D Satheesan
Leader of Opposition, Kerala Assembly