ആരുടെയെങ്കിലും കൂടെ നിന്ന്ഇനി ഫോട്ടോ എടുക്കുമ്പോള്‍ ആ വ്യക്തിയുടെ പശ്ചാത്തലം മനസ്സിലാക്കുന്നത് നല്ലതാണ്.
ആരുടെയെങ്കിലും കൂടെ നിന്ന്ഇനി ഫോട്ടോ എടുക്കുമ്പോള്‍ ആ വ്യക്തിയുടെ പശ്ചാത്തലം മനസ്സിലാക്കുന്നത് നല്ലതാണ്. അയാളുടെ വിശ്വാസ്യതയുടെ അടയാളമായി ആ പടം ഉപയോഗിക്കാം.
ഒരു ഫ്രോഡ് പ്രവര്‍ത്തനം നടത്താം. അത് പുറത്ത് വരുമ്പോള്‍ വെറുതെ ഫോട്ടോക്ക് പോസ് ചെയ്യുന്ന പാവത്താനും കുടുങ്ങും. തീനും കുടിയും, അവിടത്തെ വലിയ പുള്ളികളുമായുള്ള കമ്പനിയും മോഹിച്ച് ആരെങ്കിലും വിളിക്കുന്ന ഒരു പാര്‍ട്ടിക്കും പോകരുത്. അവിടെ വരുന്ന വലിയ പുള്ളികള്‍ക്ക് രസങ്ങൾ വേറെ ഒരുക്കിയിട്ടുണ്ടാകും. ഈ കക്ഷി തട്ടിപ്പ് കേസില്‍ പെടുമ്പോള്‍ വീഡിയോയില്‍ നമ്മുടെ മുഖവും വരും. ചുമ്മാ പോയതാണ്‌ എന്ന് പറഞ്ഞാല്‍ ആരും വിശ്വസിക്കില്ല. വന്‍ പുള്ളികള്‍ തലയൂരി പുറത്ത് പോകും. അത് കൊണ്ട്‌ നല്ല പോലെ ഗവേഷണം ചെയത് മാത്രം മതി ഇമ്മാതിരി കാര്യങ്ങള്‍. ഇല്ലെങ്കില്‍ വെറും വ്യാജപുരാവസ്തുവാകും. തള്ള് വർത്തമാനം കേട്ട് വഞ്ചിക്കപ്പെട്ട മണ്ടന്‍മാര്‍ ചാനലുകളില്‍ ഇരുന്ന് പേരുകൾ വീശും. അതിലൊരു പേരായി മാറാൻ ഇടയാക്കല്ലേ തട്ടിപ്പ് മുത്തപ്പാ ..
മാവുങ്കല്‍ സ്റ്റൈലില്‍ ഡോക്ടർ ആയാൽ രാഷ്ട്രീയക്കാര്‍ക്കും സിനിമാ താരങ്ങള്‍ക്കും ചികിത്സനല്‍കാം. പുരാവസ്തു കാട്ടല്‍ ഉള്‍പ്പടെയുള്ള ഒരു ഹോളിസ്റ്റീക്ക്അവിയല്‍. കുട്ടികൾ നീറ്റുംപരീക്ഷയും എഴുതുന്നത് വേസ്റ്റ്.എപ്പഴാ പോലീസ് പിടിക്കുന്നത് എന്ന റിസ്ക് ഉണ്ട്. അത് വരെ നേടിയ തട്ടിപ്പ് കാശിന്റെ ഒരു ഇത്തിരി ഭാഗം കൊടുത്ത് തലയൂരി പോരും. ഇതാണ് ഇപ്പോഴത്തെ ഒരു രീതി. ഇതൊക്കെപരിശീലിപ്പിക്കുന്ന കോളേജും ഇനി ആളുകൾ തുടങ്ങും. കാലം പോകുന്ന പോക്ക്.
. (സി. ജെ. ജോൺ)
Dr cj john Chennakkattu
