എന്റെ കൂട്ടുകാരൻ വീടിനു താഴെയുള്ള ചെറിയ വഴിയിൽ ഒരു കലുങ്കുണ്ട്.അവിടെ വൈകുന്നേരങ്ങളിൽ സൗഹൃദം പങ്കുവക്കാൻ ഒത്തുചേർന്നാൽ ഒരു പാടു കാഴ്ചകൾ കാണാൻ കഴിയും. പോക്കുവെയിലിന്റെ ചുവപ്പിൽ കൂടുതൽ സുന്ദരികളായ തരുണീമണികൾ,സ്കൂൾ വിട്ടുവരുന്ന കുട്ടികൾ,ജോലികഴിഞ്ഞു മടങ്ങുന്നവർ, ഫുട്ബോളുമായി കളിസ്ഥലം തേടി പോകുന്ന ചെറുപ്പക്കാർ,നന്നേ പതുക്കെ, പ്രണയം പങ്കുവെച്ചു നടന്നുപോകുന്ന കോളേജ് വിദ്യാർഥികൾ ;അങ്ങനെ നാട്ടിൻ പുറത്തിന്റെ മാധുര്യം ആസ്വദിച്ച് കൂട്ടുകാരോടൊപ്പം സൊറ പറഞ്ഞു പിരിയാൻ നേരം ഇരുട്ടായിത്തുടങ്ങും. അങ്ങനെയിരിക്കുമ്പോൾ കുറച്ചകലെനിന്നും ഒരു പാട്ടുകേൾക്കാം.പേരറിയാത്ത രണ്ടു ചങ്ങാതിമാർ;എഴുപതിനോടടുത്തു പ്രായം കാണും.അൽപ്പം […]