തൃക്കാക്കരയുടെ ജനപ്രതിനിധിയായി ഉപതിരഞ്ഞെടുപ്പിൽ വിജയിച്ച ശ്രീമതി ഉമ തോമസിന് അഭിനന്ദനങ്ങളും ആശംസകളും നേരുന്നു. നാടിന്റെ പ്രശ്നങ്ങൾ പരിഹരിക്കാനും, വികസന കാഴ്ച്ചപ്പാടുകൾ പൂർത്തീകരിക്കാനും നടത്തുന്ന എല്ലാ പരിശ്രമങ്ങൾക്കും ജില്ലാ ഭരണകൂടത്തിന്റെ പിന്തുണ തീർച്ചയായും ഉണ്ടാകും. ജനാധിപത്യ സംവിധാനത്തിന്റെ അടിത്തറയാണ് തിരഞ്ഞെടുപ്പുകൾ. ആരോഗ്യകരമായ, പക്വതയാർന്ന മത്സരമാണ് തൃക്കാക്കരയിൽ നടന്നത്. തിരഞ്ഞെടുപ്പ് സുഗമമായി നടത്താൻ എല്ലാ രാഷ്ട്രീയ പാർട്ടികളും സഹകരിച്ചു. ഏവർക്കും നന്ദി രേഖപ്പെടുത്തുന്നു. തൃക്കാക്കര ഉപതിരഞ്ഞെടുപ്പിന്റെ നടപടികൾ ഇന്നത്തെ വോട്ടെണ്ണലോടു കൂടി കുറ്റമറ്റ രീതിയിൽ പൂർത്തീകരിച്ചിരിക്കുകയാണ്. ഒരു മാസത്തോളം നീണ്ട […]