നമ്മളേറെ സ്നേഹിക്കുന്നവരെ മരണം നമ്മൾക്ക് ഇടയിൽ നിന്ന് വേർപെടുത്തി കൊണ്ടിരിക്കും, അതൊരു പ്രകൃതി നിയമം.

രാവിലെ ഫേസ്ബുക്ക് തുറന്നപ്പോൾ ബബിൽ പെരുന്നയുടെ വിയോഗവാർത്ത കണ്ടു കുറച്ചു നേരം അറിയാതെ കണ്ണിൽ നിന്നും കുറെ തുള്ളികൾ ഒഴുകി. നാലു ദിവസം മുമ്പ് സംസാരിച്ചതാണ്, സ്വന്തം ബന്ധുക്കൾപോലും അദ്ദേഹത്തെ കൈ ഒഴിഞ്ഞപ്പോൾ ഒപ്പം ചേർന്ന് നിന്നതിന് ഒത്തിരി നന്ദി പറഞ്ഞു കരഞ്ഞു. ഒരിക്കലും അറിഞ്ഞില്ല അതൊരു യാത്ര പറച്ചിൽ ആയിരുന്നു എന്ന്. ജീവിക്കാൻ നമ്മൾ എത്ര കൊതിച്ചാലും മരണം നമ്മുടെ അരികിൽ തന്നെ ഉണ്ടെന്ന കാര്യം പലപ്പോഴും മറന്നു പോകും അതാണ്‌ മനുഷ്യർ. ജനനം എന്ന മൂന്ന് അക്ഷരത്തിൽ തുടങ്ങി മരണം എന്ന മൂന്ന് അക്ഷരത്തിൽ അവസാനിക്കുന്ന ആയുസ്സ് എന്ന മൂന്ന് അക്ഷരത്തിന്റെ ദൈർഘ്യം ആണ് ജീവിതം എന്ന മൂന്ന് അക്ഷരം.

നമ്മളേറെ സ്നേഹിക്കുന്നവരെ മരണം നമ്മൾക്ക് ഇടയിൽ നിന്ന് വേർപെടുത്തി കൊണ്ടിരിക്കും, അതൊരു പ്രകൃതി നിയമം. നക്ഷത്രങ്ങളുടെ ഇടയിൽ നിന്ന് ഇനി ചിരിക്കുന്നുണ്ടാവും ബബിൽ പെരുന്ന. പ്രിയ സ്നേഹിതന്, ഒറ്റക്ക്‌ കലാവീഥിയിലൂടെ നടന്ന നാടിന്റെ കലാകാരന് ആദരാഞ്ജലികൾ നേരുന്നു.

Vinod Panicker