ഈ ജനങ്ങൾക്ക് നീതി ലഭ്യമാക്കണം മനുഷ്യരെപ്പോലെ ജീവിക്കാൻ അവർക്കും അർഹതയുണ്ട്.
ചെല്ലാനം ഫോർട്ടുകൊച്ചി കടൽ ഭിത്തി നിർമ്മാണം പൂർത്തിയാക്കാൻ ….. ദുരന്തങ്ങൾക്കായി കാത്തിരിക്കുകയാണോ ?
ചെല്ലാനം – ഫോർട്ട്കൊച്ചി തീര സംരക്ഷണത്തിൻ്റെ ഭാഗമായി 17 കിലോമീറ്റർ നീളം കടൽഭിത്തി നിർമ്മാണം പൂർത്തിയാകേണ്ടതുണ്ടെങ്കിലും 7.3 കിലോമീറ്റർ ഭാഗത്ത് മാത്രമാണ് പൂർണമായും ഇപ്പോൾ കടൽ ഭിത്തി നിർമ്മിച്ചിട്ടുള്ളത്. കടൽഭിത്തി നിർമ്മാണം സംബന്ധിച്ച് 2021 മുതൽ നിലവിലുള്ള പൊതുതാൽപര്യ ഹർജിയിൽ ശേഷിക്കുന്ന കടൽഭിത്തി കൂടി അടിയന്തരമായി നിർമ്മാണം പൂർത്തിയാക്കണമെന്ന ആവശ്യമുള്ളതാണ്.
കോടതിയുടെ ചോദ്യത്തെ തുടർന്ന് എത്രനാൾ കൊണ്ട് പണി പൂർത്തിയാക്കാൻ സാധിക്കും എന്നത് സംബന്ധിച്ച് സത്യവാങ്മൂലം നൽകാമെന്ന് സർക്കാർ കോടതിയെ അറിയിച്ചു. ഇക്കാര്യം ചീഫ് ജസ്റ്റിസ് ഉൾപ്പെടുന്ന കേരള ഹൈക്കോടതിയുടെ ഡിവിഷൻ ബഞ്ച് ഇടക്കാല ഉത്തരവിലൂടെ രേഖപ്പെടുത്തി. പിന്നീടും കേസ് വിളിച്ചപ്പോൾ പണി പൂർത്തിയാക്കിയതിന്റെ വിവരങ്ങളാണ് പറയുന്നത്. ശേഷിക്കുന്ന ഭാഗം എന്ന് പൂർത്തിയാക്കുമെന്ന് ഇതുവരെ മറുപടിയില്ല. എത്രനാൾ ഇങ്ങനെ ഒഴിഞ്ഞുമാറാനാകും.
ഈ ജനങ്ങൾക്ക് നീതി ലഭ്യമാക്കണം മനുഷ്യരെപ്പോലെ ജീവിക്കാൻ അവർക്കും അർഹതയുണ്ട്.
കോടതിയുടെ കഴിഞ്ഞ രണ്ട് ഉത്തരവുകൾ ലിങ്കിലുണ്ട്.
https://drive.google.com/file/d/1RvWzEazGoYq231XU9NaNLqGlSyHA-Fwg/view?usp=drivesdk
https://drive.google.com/file/d/1S5yyQ41jH79QVMnEcQMLhmBShoMe91Oc/view?usp=drivesdk