ആരോഗ്യകരമായ ഒരു മനസ്സും ശരീരവും സ്വന്തമാക്കാൻ സഹായിക്കുന്ന 10 മികച്ച പ്രഭാത ശീലങ്ങൾ|ശ്രദ്ധ വർദ്ധിപ്പിക്കാനും ശാരീരിക-മാനസികാരോഗ്യം മെച്ചപ്പെടുത്താനും

നമ്മുടെ ഒരു ദിവസത്തിന്റെ തുടക്കം എങ്ങനെയാണോ, അതായിരിക്കും ആ ദിവസം മുഴുവൻ നമ്മുടെ ഊർജ്ജത്തെയും മാനസികാവസ്ഥയെയും സ്വാധീനിക്കുന്നത്. രാവിലെ വെറും 10 മിനിറ്റ് ചിലവഴിച്ചുകൊണ്ട് ആരോഗ്യകരമായ ഒരു മനസ്സും ശരീരവും സ്വന്തമാക്കാൻ സഹായിക്കുന്ന 10 മികച്ച പ്രഭാത ശീലങ്ങളെക്കുറിച്ചാണ് ഈ ലേഖനത്തിൽ പറയുന്നത്. ഇവ നിങ്ങളുടെ ശ്രദ്ധ വർദ്ധിപ്പിക്കാനും ശാരീരിക-മാനസികാരോഗ്യം മെച്ചപ്പെടുത്താനും സഹായിക്കും.

1. ഒരു ഗ്ലാസ് വെള്ളം കുടിക്കുക

നമ്മുടെ തലച്ചോറിന്റെ 70 ശതമാനവും വെള്ളമാണ്. ഉറക്കത്തിൽ ശരീരത്തിന് ജലാംശം നഷ്ടപ്പെടുന്നതിനാൽ, രാവിലെ എഴുന്നേറ്റയുടൻ ഒന്നോ രണ്ടോ ഗ്ലാസ് വെള്ളം കുടിക്കുന്നത് തലച്ചോറിനെ ഉന്മേഷമുള്ളതാക്കുന്നു. ഇത് ശരീരത്തിലെ മെറ്റബോളിസം വർദ്ധിപ്പിക്കാനും വിഷാംശങ്ങളെ പുറന്തള്ളാനും സഹായിക്കും. തലേദിവസം രാത്രി ഒരു ചെമ്പ് പാത്രത്തിൽ വെള്ളം വെച്ചതിന് ശേഷം രാവിലെ കുടിക്കുന്നത് കൂടുതൽ ഗുണം ചെയ്യും.

2. നിങ്ങളുടെ കിടക്ക ശരിയാക്കുക (Make your bed)

രാവിലെ എഴുന്നേറ്റാലുടൻ സ്വന്തം കിടക്ക ശരിയാക്കി വെക്കുക. ഇതൊരു ചെറിയ കാര്യമാണെങ്കിലും, ദിവസത്തെ ആദ്യത്തെ ജോലി വിജയകരമായി പൂർത്തിയാക്കി എന്നൊരു തോന്നൽ ഇത് നിങ്ങളുടെ തലച്ചോറിന് നൽകുന്നു. അമേരിക്കൻ അഡ്മിറൽ വില്യം എച്ച് മക്രാവൻ പറഞ്ഞതുപോലെ, ലോകത്തെ മാറ്റാൻ നിങ്ങൾ ആഗ്രഹിക്കുന്നുവെങ്കിൽ ആദ്യം സ്വന്തം കിടക്ക ശരിയാക്കുന്നതിൽ നിന്നും തുടങ്ങുക.

3. നല്ല സംഗീതം കേൾക്കുക

നമ്മുടെ മാനസികാവസ്ഥയെ പെട്ടെന്ന് മാറ്റാൻ സംഗീതത്തിന് കഴിയും. രാവിലെ തന്നെ ശാന്തവും പോസിറ്റീവുമായ സംഗീതം കേൾക്കുന്നത് ദിവസം മുഴുവൻ സന്തോഷത്തോടെയും ഊർജ്ജത്തോടെയും ഇരിക്കാൻ സഹായിക്കും. എന്നാൽ രാവിലെ എഴുന്നേൽക്കുമ്പോൾ തന്നെ വളരെ ഉച്ചത്തിലുള്ള സംഗീതം കേൾക്കുന്നത് ഒഴിവാക്കുന്നതാണ് നല്ലത്.

4. പ്രചോദനം നൽകുന്ന കാര്യങ്ങൾ വായിക്കുക

ദിവസത്തിന്റെ തുടക്കം പോസിറ്റീവ് ചിന്തകളോടെയാകാൻ പ്രചോദനാത്മകമായ പുസ്തകങ്ങളോ ലേഖനങ്ങളോ വായിക്കാം. ഇതിനായി മണിക്കൂറുകൾ ചെലവഴിക്കണമെന്നില്ല, വെറും 10 മിനിറ്റ് നേരം നല്ല ആശയങ്ങളും കഥകളും വായിക്കുന്നത് നിങ്ങളുടെ മനസ്സിനെ വളരെയധികം സ്വാധീനിക്കും.

5. ദീർഘമായി ശ്വസിക്കുക (Deep Breathing)

ധ്യാനിക്കാൻ ബുദ്ധിമുട്ടുള്ളവർക്ക് ഏറ്റവും എളുപ്പത്തിൽ ചെയ്യാൻ കഴിയുന്ന ഒന്നാണ് ഡീപ്പ് ബ്രീത്തിംഗ് അഥവാ ദീർഘമായി ശ്വാസമെടുക്കുകയും പുറത്തുവിടുകയും ചെയ്യുന്നത്. ഇത് മാനസിക സമ്മർദ്ദം, ഉത്കണ്ഠ എന്നിവ കുറയ്ക്കാനും ഏകാഗ്രത വർദ്ധിപ്പിക്കാനും സഹായിക്കും.

6. സ്ട്രെച്ചിംഗ് (Stretching)

രാവിലെ 10 മിനിറ്റ് ശരീരത്തിലെ പേശികൾ വലിയുന്ന രീതിയിൽ സ്ട്രെച്ചിംഗ് ചെയ്യുന്നത് പേശികളുടെ വേദന കുറയ്ക്കാനും രക്തയോട്ടം വർദ്ധിപ്പിക്കാനും സഹായിക്കും. ഇത് ദിവസം മുഴുവൻ കൂടുതൽ ഉന്മേഷത്തോടെയും ആക്ടീവ് ആയും ഇരിക്കാൻ നിങ്ങളെ സഹായിക്കുന്നു.

7. പ്രഭാത സൂര്യരശ്മികൾ ഏൽക്കുക

മനുഷ്യശരീരത്തിന് സൂര്യപ്രകാശം വളരെ അത്യാവശ്യമാണ്. രാവിലെ ഇളം വെയിൽ കൊള്ളുന്നത് ശരീരത്തിന് ആവശ്യമായ വിറ്റാമിൻ ഡി നൽകുന്നു. മാത്രമല്ല, ഇത് തലച്ചോറിൽ സെറോടോണിൻ (Serotonin) എന്ന ഹാപ്പി ഹോർമോണിന്റെ ഉത്പാദനം വർദ്ധിപ്പിക്കുകയും വിഷാദം അകറ്റാൻ സഹായിക്കുകയും ചെയ്യും.

8. തണുത്ത വെള്ളത്തിലുള്ള കുളി (Cold Shower)

കാലാവസ്ഥ അനുകൂലമാണെങ്കിൽ രാവിലെ തണുത്ത വെള്ളത്തിൽ കുളിക്കുന്നത് ഉന്മേഷം നൽകും. ഇത് ശരീരത്തിലെ വെളുത്ത രക്താണുക്കളുടെ എണ്ണം വർദ്ധിപ്പിക്കുകയും രോഗപ്രതിരോധ ശേഷി മെച്ചപ്പെടുത്തുകയും ചെയ്യുന്നു. ലോകത്തെ പല പ്രഗത്ഭരും തങ്ങളുടെ ഊർജ്ജം നിലനിർത്താൻ ഈ രീതി പിന്തുടരുന്നുണ്ട്.

9. അന്നത്തെ ദിവസം പ്ലാൻ ചെയ്യുക

ഓരോ ദിവസവും ചെയ്യേണ്ട കാര്യങ്ങൾ രാവിലെ തന്നെ 10 മിനിറ്റ് സമയമെടുത്ത് പ്ലാൻ ചെയ്യുക. മൊബൈൽ ഫോണിന് പകരം ഒരു പേപ്പറിൽ എഴുതി വെക്കുന്നതാണ് കൂടുതൽ നല്ലത്. ഓരോ കാര്യങ്ങൾ ചെയ്തുതീർക്കുമ്പോഴും അത് ടിക്ക് ചെയ്യുന്നത് നിങ്ങൾക്ക് കൂടുതൽ സംതൃപ്തി നൽകും.

10. സ്വയം വിലയിരുത്തുക (Reflection)

മിക്ക ആളുകളും രാവിലെ എഴുന്നേറ്റയുടനെ മൊബൈൽ ഫോൺ നോക്കുന്നവരാണ്. എന്നാൽ അതിന് പകരം സ്വന്തം ജീവിതത്തെക്കുറിച്ചും ലക്ഷ്യങ്ങളെക്കുറിച്ചും സ്വയം ചിന്തിക്കാൻ അല്പം സമയം കണ്ടെത്തുക. ഇന്നത്തെ ദിവസം എങ്ങനെ മികച്ചതാക്കാം എന്ന് ചിന്തിക്കുന്നത് നിങ്ങളുടെ ജീവിതത്തിന് കൂടുതൽ വ്യക്തത നൽകും.