ഇപ്ലോ കാവ്യസന്ധ്യയും ജോർജ് എഫ് സേവ്യർ വലിയവീടിന്റെ മഞ്ഞുരുകുന്ന വഴികളിൽ എന്ന കാവ്യസമാഹാരംകവിതപ്രകാശനവും
കൊല്ലം :- ഇന്റർനാഷണൽ പീപ്പിൾ ലീപ് ഓർഗനൈസേഷൻ അഥവാ ഇപ്ലോയുടെ ആഭിമുഖ്യത്തിൽ കരുതൽ സുമ്പ, യോഗ & കരാട്ടെ സെന്ററിൽ നടന്ന കാവ്യസന്ധ്യയുടെ ഉദ്ഘാടനം നാടക, സിനിമാനടനും ഗിന്നസ് ജേതാവുമായ കെ പി എ സി ലീലാകൃഷ്ണൻ ഉദ്ഘാടനം ചെയ്തു.
മാനസിക പ്രശ്നങ്ങളും കുടുംബ ബന്ധങ്ങളിലെ വിളളലുകളും സാമൂഹ്യമായ പ്രതിസന്ധികളും പ്രശ്നങ്ങളും മൂലം കലുഷിതമായ മനസും അവ്യക്തമായ ചിന്തകളുമായിരിക്കുന്ന മനുഷ്യന്റെ മനസിന്‌ സമാധാനം പകർന്നുകൊടുക്കുവാൻ കഴിയുന്നത് കവികൾക്കും കലാകാരന്മാർക്കുമാണെന്ന് ഉദ്ഘാടന പ്രസംഗത്തിൽ കെ പി എ സി ലീലാകൃഷ്ണൻ പറഞ്ഞു.കലയുടെയും കവിതയുടെയും സർഗ്ഗശേഷിയുള്ളവർ ഇത്തരം കാവ്യസന്ധ്യകളിലൂടെ അവരുടെ ഉള്ളിലുള്ള വിങ്ങലുകളും മറുമൊഴികളും അനസ്യൂതം ഒഴുക്കുമ്പോൾ സമ്മർദ്ദങ്ങളൊഴിഞ്ഞ ജീവിതം കരഗതമാകുമെന്നും അദ്ദേഹം പറഞ്ഞു.
സാഹിത്യവിമർശകനും കവിയുമായ ഡോ. ആർ എസ് രാജീവ് അധ്യക്ഷത വഹിച്ചു.
സ്ഥിതി പബ്ലിക്കേഷൻ പ്രസിദ്ധീകരിച്ച ജോർജ് എഫ് സേവ്യർ വലിയവീടിന്റെ മഞ്ഞുരുകുന്ന വഴികളിൽ എന്ന കാവ്യസമാഹാരം എഴുത്തുകാരനും മാധ്യമപ്രവർത്തകനുമായ ഡോ. മുഞ്ഞിനാട് പദ്മകുമാർ പ്രകാശനം ചെയ്തു. സംഗീത, സുമ്പ, യോഗ ഇൻസ്‌ട്രക്ടർ ജോസ്ഫിൻ ജോർജ് പുസ്തകം സ്വീകരിച്ചു.സാഹിത്യകാരനും പ്രസാധകനുമായ വി ടി കുരീപ്പുഴ,കരുതൽ അക്കാഡമി പ്രിൻസിപ്പൽ ബെറ്റ്സി എഡിസൺ, ഇപ്ലോ ഇന്റർനാഷണൽ ജനറൽ സെക്രട്ടറി ക്യാപ്റ്റൻ ക്രിസ്റ്റഫർ ഡിക്കോസ്റ്റ,ജയിൻ ആൻസിൽ ഫ്രാൻസിസ്, കോർപറേഷൻ കൗൺസിലർ ശ്രീലത എന്നിവർ സംസാരിച്ചു.
ഫാത്തിമ കോളേജ് മലയാള വിഭാഗം മേധാവി ഡോ. പെട്രിഷ്യ ജോൺ, സാഹിത്യകാരി കസ്തൂരി ജോസഫ്, ഗായിക വിജില വിക്ടർ എന്നിവർ കവിതകൾ ആലപിച്ചു.
വിശ്വധർമ്മം എഡിറ്റർ മാർഷൽ ഫ്രാങ്ക്, ചരിത്രകാരൻ പ്രൊഫ. ജെ ജേക്കബ്, വൈ എം സി എ പ്രസിഡന്റ്‌ ഫ്രാൻസിസ് സേവ്യർ, ജെ കെ എം ഓ കൊല്ലം തിരുവനന്തപുരം ചീഫ് എക്‌സാമിനർ ഷിഹാൻ ചാൾസ് മോഹൻ മെൻഡസ്, സാഹിത്യകാരൻ ശിവരാജൻ കോവിലഴികം, കവി രാജു യേശുദാസൻ എന്നിവരെ കാവ്യസന്ധ്യയിൽ ആദരിച്ചു.