ന്യൂഡല്‍ഹി” ബി സി സി ഐ പ്രസിഡന്റും ഇന്ത്യന്‍ ക്രിക്കറ്റ് ടീം മുന്‍ ക്യാപ്റ്റനുമായ സൗരവ് ഗാംഗുലിയെ ആശുപത്രിയില്‍ പ്രവേശിപ്പിച്ചു. നെഞ്ചുവേദനയെ തുടര്‍ന്നാണ് ചികിത്സക്കായി കൊല്‍ക്കത്തയിലെ വൂഡ്‌ലാന്റ് മള്‍ട്ടി സ്പെഷ്യാലിറ്റി ആശുപത്രിയില്‍ ഗാഗുലിയെ പ്രവേശിപ്പിച്ചത്. അഹമ്മദാബാദില്‍ കഴിഞ്ഞ ദിവസം നടന്ന ബോര്‍ഡ് യോഗത്തില്‍ ഗാംഗുലി പങ്കെടുത്തിരുന്നു. ശേഷം കൊല്‍ക്കത്തയിലേക്ക് മടങ്ങിയ താരത്തിന് ശനിയാഴ്ച രാവിലെയാണ് നെഞ്ചുവേദന അനുഭവപ്പെട്ടത്. ആന്‍ജിയോ പ്ലാസ്റ്റി നടത്തിയേക്കുമെന്ന് റിപ്പോര്‍ട്ടുകളുണ്ട്.