ആരോഗ്യകരമായ ആശയവിനിമയം എങ്ങനെയാകരുതെന്നതിന്റെ പാഠപുസ്തകമാണ് ചാനലുകളിലെ രാഷ്ട്രീയ ചർച്ചകളിലെ ഭൂരിപക്ഷവും.
ആരോഗ്യകരമായ ആശയവിനിമയം എങ്ങനെയാകരുതെന്നതിന്റെ പാഠപുസ്തകമാണ് ചാനലുകളിലെ രാഷ്ട്രീയ ചർച്ചകളിലെ ഭൂരിപക്ഷവും. മറ്റുള്ളവരുടെ അഭിപ്രായങ്ങൾ തടസ്സപ്പെടുത്തും വിധത്തിലുള്ള ഇടക്ക് കയറി പറയൽ, ആശയപരമായി ചെറുക്കാൻ പറ്റാതെ വരുമ്പോൾ വ്യക്തിപരമായി അധിക്ഷേപിക്കൽ, ടെലി സ്‌ക്രീനിൽ വാസ്തവ ദൃശ്യങ്ങൾ ഒരു ഭാഗത്തു തെളിയുമ്പോഴും, അങ്ങനെയൊന്നും ഉണ്ടായില്ലെന്ന നുണ പറച്ചിൽ, ഉയരുന്ന വർത്തമാനത്തിൽ നിന്നും ഒരു കഷണം മാത്രം അടർത്തിയെടുത്തുള്ള വളച്ചൊടിക്കൽ – ഇങ്ങനെ പോകുന്നു അവയിലെ നെഗറ്റീവ് സ്റ്റൈലുകളുടെ ലിസ്റ്റ്.പക്ഷം ചേർന്ന് വർത്തമാനം പറയുന്ന രാഷ്ട്രീയ നിരീക്ഷകരെന്ന ഒരു കോമഡി
കൂട്ടത്തെയും ഇതിലൊക്കെ കാണാം. നിഷ്പക്ഷ നിരീക്ഷണത്തിന് ഒട്ടും ഡിമാന്റില്ല. പങ്കെടുക്കുന്നവരുടെ പലരുടെയും സ്ഥായി ഭാവം ഹുങ്കാണ്. ഞാൻ പറയുന്നത് മാത്രം ശരിയെന്ന ഹുങ്ക്.കാട്ടിക്കൂട്ടുന്നത് ഡിബേറ്റല്ല. വെറും ബഹളം . ഈ ചങ്ങാതിമാർക്ക് കുറച്ചൊക്കെ സൗഹാർദ്ദപരമായി ചാനലിൽ വർത്തമാനം പറഞ്ഞു കൂടെ? പുറത്തൊക്കെ ഇവർ ഭയങ്കര സിങ്കാണെന്നാണ് കേൾവി.
(ഡോ.സി ജെ ജോൺ)