മുതിർന്നവരുടെ മേൽനോട്ടത്തിൽ പിള്ളേർ കാണേണ്ട സിനിമ യു എ അല്ലേ? അപ്പോൾ തുണ്ട് ഏ യു തന്നെ!

പോലീസിന്റെ പ്രൊമോഷൻ പരീക്ഷയിൽ കോൺസ്റ്റബിൾ അപ്പനെ കോപ്പിയടിക്കാൻ പരിശീലിപ്പിക്കുന്ന പള്ളിക്കൂടം പയ്യനെ കാണണമെങ്കിൽ തുണ്ടെന്ന സിനിമ കാണാം. രണ്ടാളും കർമ്മം ഭംഗിയായി നിർവഹിക്കുന്ന വിപ്ലവകരമായ രംഗങ്ങൾ കണ്ട് കുടുംബ സദസ്സുകൾക്ക്‌ വിനോദത്തിൽ ആറാടാം.

കോപ്പിയടിയെ കലാരൂപമാക്കി വാഴ്ത്തുന്ന ഈ സിനിമ നല്‍കുന്ന സന്ദേശത്തെ ജനകീയവൽക്കരിക്കാം. കോപ്പിയടിച്ചു കോപ്പിയടിച്ചു മിടുക്കരാകുവിൻ എന്നൊരു പാട്ടും ചേർക്കാമായിരുന്നു. സിനിമകളിലൂടെ ഇറക്കുമതി ചെയ്യപ്പെടുന്നത് എന്തെന്ന് ശ്രദ്ധിക്കാതെ കൈയ്യടിക്കുന്ന പൊതുബോധത്തിനും സ്തുതി. മുതിർന്നവർ പിള്ളേരുടെ മേൽനോട്ടത്തിൽ കാണേണ്ട ഇമ്മാതിരി സിനിമകൾക്കും വേണ്ടെ ഒരു സെൻസർ സർട്ടിഫിക്കറ്റ് കാറ്റഗറി? ഏ യു എന്നായാലോ? മുതിർന്നവരുടെ മേൽനോട്ടത്തിൽ പിള്ളേർ കാണേണ്ട സിനിമ യു എ അല്ലേ? അപ്പോൾ തുണ്ട് ഏ യു തന്നെ!

(സി ജെ ജോൺ)

Drcjjohn Chennakkattu